बाल स्वास्थ्य पोषण माह कै करिन शुरुआत

जिला अम्बेडकरनगर। हिंआ 8 जून 2016 का डाक्टर अजय कुमार के अध्यक्ष्ता मा प्राथमिक स्वास्थ्य केन्द्र अकबरपुर मा नौ माह से पांच साल तक के बच्चन का विटामिन ए कै दवा पिलायके जिला स्तरीय उद्घाटन करिन।
उप मुख्य चिकित्साधिकारी बताइन कि नौ महीना से पांच साल तक के बच्चन का दवा पिलायके बाल स्वास्थ्य पोषण माह कै अभियान 8 जून से आठ जुलाई तक चले। अम्बेडकर नगर मा कुल दुई लाख छियासी हजार नौ सौ चैदह बच्चन मा तैंतिस हजार एक सौ चैरासी (नौ माह से एक साल तक कै बच्चै) अउर दुई लाख तिरपन हजार सात सौ तीस (एक साल से पांच साल तक) के बच्चन का विटामिन ए दवा पिलाय जाये। जिला मा कुल दुई सौ उन्यासी उपकेन्द्र, चैबिस अति प्राथमिक स्वास्थ्य केन्द्र मा पूरा महीना बाल पोषण माह चले। जउने मा नौ महीना से एक साल तक के बच्चन का विटामिन ए के साथे खसरा कै दवा भी पिलाय जाये। मौके पै प्रभारी चिकित्साधिकारी डाक्टर सुभाष चन्द्र चिकित्सा अधिकारी एन.सी.राम जैसेन कइयौ डाक्टर शामिल रहिन।