जिला महोबा, ब्लाक कबरई, गांव छानी कलां। अति ओलावृष्टि के कारन अब खेत में बोंय के लाने कछू नई बचो हे। एते के किसान क्रेडिट कार्ड के लाने बोहतई परेशान हे। बैंक वाले न देय की बात कहके भगा देत हे। ईखी दरखास आदमियन ने महोबा एस.डी.एम. खा दई हे।
रामनारायण, मातादीन, रामप्रसाद ओर हल्के कहत हे कि यू.पी. ग्रामीण बैंक से क्रेडिट कार्ड बनवायें के लाने एक महीना से परेशान हे। आय दिन बैंक जात हे। ओते को बैंक मैनेंजर कहत हे कि हमाई वसूली नई हो पाउत हे, एते से तुम्हाओ क्रेडिट कार्ड न बनहे।
कुम्मेर, रामकिशोर, विमल ओर लल्लू कहत हे कि पिछली साल बारिस ओर ओलावृष्टि के कारन खेती में कछू नई भओ हे। दुखी स्वर में शिवकली ने कहो कि अगर हमाओ क्रेडिट कार्ड न बनहे तो हमाई खेती खाली परी रेहे, हमाओ परिवार भुखन मर जेहे। ईखी दरखास एस.डी.एम. खा दई हती। ओर के्रडिट कार्ड बनवायें की मांग करी हे।
महोबा एस.डी.एम. प्रबुद्व सिंह कहत हे कि जा हमाये एते को मामला नोय। हम ईखे ओई विभाग में भेज देहे।