जिला बाराबंकी, ब्लाक हैदरगढ़ बाजार कै देवेन्द्र 5 जनवरी से ही लापता रहे उनकै लाश 8 जनवरी का गोमती नदी मा मिली। स्थानीय मनई के अनुसार हिंया आये दिन घटना हुवत रहाथै।काहे से हिंया के अवसानेश्वर महादेवा मंदिर कै कुंड काफी गहरा बाय। पर अब तक हिंया कऊनौ सुरक्षा व्यवस्था नाय कीन गए बाय।
देवेन्द्र कै ममेरा भाई रामप्रकाश कै कहब बाय कि 5 जनवरी 2017 का शाम 3 बजे घर से गायब होय गये। उनकै मेहरारू मायके गए रहिन इहै सोचा गा कि होय सका थै उनही का लावै गा हुवय। महेंद्र कुमार देवेन्द्र कै बड़ा भाई कै कहब बाय कि शुक्ल बाजार, महराजगंज, गोशाईगंज बहुत जगह ढूंढागा कउनौ पता नाय चला। सूचना मिली कि महादेवा मंदिर के पास कपड़ा पड़ा बाय।हुंवा जाएके पहचान कीन गए अउर लाश बाहर निकलवाई गए।मौत डूबे से ही भए बाय। नहाय के ताई नदी मा उतरे गहरा कुंड बाय। सरक के गिर गये।
अनन्त मिश्रा पडोसी कै कहब बाय कि सूचना पै जब महादेवा पहुचे तौ इनकै कपड़ा दिखाय पड़ा। किनारे किनारे घूमे पै येसे लाग कि बीच मा कउनौ मूर्ति पड़ी बाय। पहनावा पता करै के बाद हैदरगढ़ इंस्पेक्टर का फोन कीनगा सूचना बताई।
महंथ उदय राज गिरी कै कहब बाय कि लखनऊ, हैदरगढ़ अउर से बहुत मनई येहि कुंड मा डूब चुका बाटे। लकिन ई पहला हादसा आय जवन लाश मिली बाय।जब बाढ़ आवाथै तौ जाल डाले पै भी नाय मिलत।कम से कम तीस चालिस फिट गहरा बाय। मंदिर प्रबंधक बिपिन कुमार गिरी कै कहब बाय कि सिर्फ मेला मा व्यवस्था हुआथै। लकिन शिवरात्री तक हिंया बोर्ड अउर बैरिकेटिंग लाग जाये।
रिपोर्टर- फिज़ा और नसरीन
12/01/2017 को प्रकाशित
