बाराबंकी जिले के रामजानकी नगर की प्रीती को उसके पति ने जलाया , घर वालों का आरोप

जिला बाराबंकी, आवास विकास कालोनी 16 अप्रैल का चौबिस साल के प्रीती कै आग मा जले से मउत होइगै। मायके वाले कै आरोप बाय कि दहेज़ के ताई ससुरालवाले उनके लड़की का जलाय के मारि डारिन। प्रीती बाराबंकी जिला के आवास विकास कालोनी मा रहत रहिन।
राजकुमारी वर्मा मृतिका कै बड़ी बहन कै कहब बाय कि पड़ोस वाले फोन करिन कि तोहरे बिटिया का जलाय के सब कोतवाली मा पहुच गा अहैं।जब हमरे सब थाना मा पहुचेन तौ वहि सब जने थाना मा रहे।वहिसे हमरे सब डी.एम के पास गयन अउर पूरी कहानी बतायन तौ कहिन चला अबै हम जवन कार्यवाही करै का होये करब।
शशि वर्मा मृतिका कै बड़ी बहन कै कहब बाय कि हमरे बहिन का जलाय दीन गा बाय। उनकै पति भी कहत बाय कि जलाय दिहन तोहरे सब कुछ न कै पउबा। उनकै पति खुद कहत बाय।
जितेन्द्र कुमार मृतिका कै चाचा कै कहब बाय कि जब हमरे सब पहुचेन तौ सोफासेट पै मरी मिली। एक पैर बांधा रहा एक नीचे रहा। पहिले उनका मारे अहैं फिर जलाये बाटे। काहे से कि आँगन मा धोवन परा रहा।अगर खुद से जलि होतीं तौ आसपास कै अउर भी सामान जलत। लकिन कुछ भी नाय जला रहा।
मृतिका के चाचा बबलू कै कहब बाय कि जब हम पहुचेन तौ पुलिस मौके पै मौजूद रही। जब हमरे सब हंगामा करें तौ उनके सबका लाकप मा बंद करिन।
मृतिका के दादा कै कहब बाय कि हमरे पोती का मारके फिर जलाय दिहिन।मोदी सरकार इन्साफ दियै इनका फ़ासी कै सजा मिलै का चाही।हमार इहै मांग बाय।

रिपोर्टर- नसरीन

27/04/2017 को प्रकाशित