महतारी बाप के साथै थाना आई मैना देवी
जिला बांदा, ब्लाक बिसण्डा, गांव पवइया। हेंया के मैना देवी बतावत है कि प्रेमचन्द्र ग्यारह साल के उमर मा जबरन मोरे साथै शादी कई लिहिस रहै। अब वा मारपीट करत है। यहिसे आपन बाप महतारी का बोलवा के मइके जात हौं।
मैना देवी के महतारी धनपतिया अउर बाप राम प्रसाद का कहब है कि 17 फरवरी 2014 का मोर बिटिया से पबइया गांव का प्रेमचन्द्र जबरइन शादी कई लिहिस। अबै वहिके उमर बहुतै कम है। हम चित्रकूट मा मांगत खात हन। शादी कइके अब मारपीट करत है। हमार बिटिया हमैं पता दिहिस तौ हम लिवावै आये हन अउर ससुराल वालेन के खिलाफ रपट करैं जात हन। प्रेमचन्द्र का कहब है कि हम गरीब जान के दूनौ कइत का खर्च कइके मैना देवी का बियाह लाये हन। यहिके साथै मारपीट नहीं कीन गे। मैना देवी के बाप महतारी मोरे ऊपर झूठ आरोप लगावत हैं। बबेरू कोतवाली का दरोगा कहत है कि मैना देवी के बाप महतारी झूठ बोलत हैं। मैना देवी के उमर सत्रह साल है। अपना भीख मांग के खात है तौ बिटिया का, का खवइहै।