जिला फैजाबाद, ब्लाक पूराबाजार, गंाव मूड़ाडीहा, पूरे चेतन, माझा सलेमपुर, पिपरी संगा्रम, उरदहवा बस्ती। हिंआ के लगभग दसन परिवार कै मनई बाढ़ के कारण आपन घर छोड़ के जानवरन के साथे सुरक्षित जगह पै पलायन करिन। बिल्वहरिघाट अयोध्या बंधा पै घास-फूस मा तिरपाल डारि के रहै कै जगह बनाइन।
सलेमपुर गांव कै पारसनाथ, धर्मराज बताइन कि हमार घर कटान के कगार पै बाय। यही से हमरे सब घर छोड़ के तिरपाल डाय के रहै का ठिकाना बनायन। सब समान उठाय लावत हई नाहीं तौ डूब जाये। हमार घर छप्पर कै बाय जब बाढ़ आवाथै तौ पन्नी तान के रहे का पड़ाथै। पुराना छप्पर डूब जाथै। हर बार इहै समस्या झेलै का पराथै।
प्रधान तेज बहादुर निषाद बताइन कि पारसनाथ, धर्मराज, जगदीष, रामवचन, गुरू प्रसाद अउर नैजी निषाद कै घर कटान के कगार पै बाय। लकिन हमसे जवन होय सके हम उनकै मदद करब।
एस.डी.एम. अमित सिंह बताइन कि पूरे ब्लाक के प्रभावित गांवन कै निरीक्षण कीन गै। गंाव के मनई का सुरक्षित जगह पै रहै का सलाह देहे हई। राजस्व कर्मियन का निर्देष दिहे बाटेन कि पूरी सुविधा ग्रामीणन का देवावा जाए।