बांदा शहर के फल अउर सब्जी व्यापरिन के दुकानन मा मंडी सचिव अवैध कब्जा करे है। यहै कारन दुकानदार 30 दिसम्बर का अपर जिलाधिकारी का ज्ञापन दइ के दुकान न हटावे के मांग करिन हैं।अपर जिलाधिकारी गंगाराम गुप्ता का कहब है कि सरकारी मंडी मा सरकार कइत से दुकान दीन जात है। मंडी मा जघा होइ तौ व्यापरिन का दीन जई।
सप्पन अहमद का कहब है कि दुकान के समस्या लइके हम ज्ञापन दे आये हन।
हाजी शब्बीर का कहब है कि दुई साल से हेंया टीन सेट लगा के दुकान जमाये रहे हन अब हटावत है। मोहम्मद जफर का कहब है कि हम फल वालेन का दुकान दीन गे रहै तौ हम आपन दुकान बना लीने रहे हन। अब हमें फेर दूसर जघा भेंजत है। इनतान के तीस दुकान हैं। सय्यद माजिद अली का कहब है कि मंडी सचिव हमें परेशान करत है। दुकान हेंया हुंवा करै से नुकसान होत है। जबै तक दूसर जघा दुकान नहीं मिलत आहीं तबै तक हमार दुकान न हटाई जाएं तौ ठीक है।
रिपोर्टर- खबर लहरिया ब्यूरों
Published on Jan 4, 2018
