बांदा जिले में ससुराल में फंदे से लटकी मिली विवाहिता, दहेज हत्या का आरोप

5 दिसम्बर का बांदा जिला, ब्लाक तिंदवारी के कुकुना गांव मा फांसी के फंदा से एक मेहरिया के लाश लटकी मिली है। मइके वाले आरोप लगावत है कि दहेज के मांग पूरी न होय मा हमार लड़की का मार डालिन हैं।
लड़की के महतारी रामश्री का कहब है कि दहेज मा एक लाख रुपिया दीनेहौं, जंजीर, गाड़ी, भैंस नहीं दइ पाई आहूं यहै कारन मोर लड़की का मार डालिन है।मोर लड़की का ससुर गाली देत रहै अउर दामाद मारत रहै। तीन दिन मोर लड़की का खाना नहीं दिहिन बहिनी के हेंया मांग के खाइस है,वहिके पेट मा बच्चा रहै।
चाची बिट्टन का कहब है कि बहुतै दर्दनाक तरीका से मारिन हैं। हम चाहित हन कि ससुराल वालेन का खूब मार पड़े अउर जिन्दगी भर के सजा मिलें।
ननद रिंकी बताइस कि भाभी भीतर परी रहै पता नहीं कसत फांसी लगा लिहिस है। पैलानी थाना के एसओ राजीव कुमार यादव का कहब है कि दहेज उत्पीड़न का मुकदमा लिख लीन गा है। लड़की के मनसवा जय सिंह, ससुर मैकू अउर सास मुन्नी का पकड़ के जेल भेज दीन गा हैं।
रिपोर्टर-शिवदेवी

Published on Dec 7, 2017