जिला बांदा,ब्लाक महुंवा,गांव मोतियारी। हेंया अलग अलग बहाना बना के राशनकार्ड से मड़इन के काटिन है कउनौ के नौकरी का बहाना कीन गा तौ कउनौ जिन्दा मड़ई का मरा बता के राशनकार्ड से नाम काट दिहिन है यहै कारन मड़ई विभाग मा आपन गुहार लगावत है। सप्लाई इंस्पेक्टर याकूब का कहब है कि लेखपाल अउर सचिव राशनकार्ड के लिस्ट बनावै मा बहुतै गड़बड़ करिन हैं वहिका सही कीन जात है।
विशम्भर का कहब है कि मोरे लगे एकौ जमीन आये न घर आये। नौकरी का गलत आरोप लगा के मोरे नाम राशनकार्ड से काट दीन गा है। सुनील कुमार बताइस कि मोर बाप जमुना प्रसाद जिन्दा है पै उनका मरा बता के नाम काट दीन गा है। अगस्त से हमें राशन नहीं मिलत आय। कामता प्रसाद बताइस कि मोर नाम से राशन कार्ड रहै फेर मोर मेहरिया दया के नाम के राशन बना रहै पै अब हमार नाम राशनकार्ड से काट दीन गा है।
पूर्व कोटेदार रामचरण का कहब है कि कुल छह सौ चालिस राशनकार्ड से एक सौ अस्सी अपात्र मड़इन का नाम कट गा हैं। प्रधान सरोज यादव का कहब है कि लेखपाल के गलत जांच के शिकायत डी.एम.से करे हौं।
बाईलाइन-गीता
28/09/2017 को प्रकाशित
