बांदा जिला के महुआ मा करीब 400 मड़ई रहत हैं। हिंया के नगर निगम की लापरवाही से सफाई का काम रुका पड़ा है। हिंया के खातिर 5 सफाईकर्मी चयनित हैं, पै सफाई का काम कउनौ नहीं करत आय।
रज्जन बताइस है कि गंदगी खातिर कपड़ा पड़ा है। हिंया सफाईकर्मी नहीं आवत आय। महीना मा एक दुई दरकी आवत हैं, तौ कचरा इकट्ठा होई जात है। यहै काम सही तरीका से कीन जाय, तौ कचरा न बचे। बीडीओ हमार हिंया रात दिन बैइठत है अउर आवत जात है, का वा जानत नहीं आय का? पै कउनौ कार्यवाही नहीं करत आय। विनोद का कहब है कि हमार दुकान के सफाई जमादार करत है। पचास रूपिया महीना देइत है। सबै दुकान वाले यहिनतान सफाई करावत हैं। आज तक सफाईकर्मी आउबे नहीं भा। जब नहीं झाड़त आय तौ सब आपन से झाड़ू लगा लेत हैं। बीडीओ से मड़ई कहीं देत है, पै बीडीओ सुनतै नहीं आय, तौ का होई कोहू से कहे से। कउनौ से बुराई लीन्हें कउनौ मतलब नहीं आय।
बीडीओ ओपी मिश्रा का कहब है कि मोर सउहें या मामला तुम्हारे द्वारा आवा है। मैं अबै सफाईकर्मी भेजने सफाई करावत हौं।
रिपोर्टर: प्रमिला
Published on May 22, 2018
