11/10/2017 को प्रकाशित
जिला बांदा गांव बरेठी कला। एक साल से हेंया के पुलिया टूट पडी है जेहिसे कत्तौ भी बडी घटना होइ सकत है पुलिया टूटे के कारन कइयौ गांव के मडइन का आवे जायें मा बहुतै परेषानी होत है। अबै तक पुलिया के मरम्मत नहीं कीन गे आय अघिकारी कउनौ बडी घटना होय का इन्तजार करत है। प्रधान बिन्दा प्रसाद का कहब है कि पुलिया बनावें का स्टीमेट एक महीना पहिले तैयार होइ गा है। पै अधिकारी सुनवाई नहीं करत आहीं।
छोटेलाल बताइस कि टूट पुलिया से पूर गांव के मडई निकलत हैं। पुलिया टूटे के कारन नाला भर जात है जेहिसे बरसात मा मडइन के घर गिर जात है। पुलिया से कुछै वाहन नहीं निकल पावत आहीं। बूढ मडइन का तौ निकले मा बहुतै परेषानीं होत हैं।
रामसखी अउर कुसुम का कहव है कि बरसात मा पुलिया से निकले मा छोटे छोटे बच्चा गिर जात हैं।
बाई लाइन- शिवदेवी
