जिला बांदा, ब्लाक बबेरू, कस्बा बबेरू पुरान तहसील कइयौ साल से खंडहर पड़ी है यहै कारन हेंया के मड़ई मांग करिन है कि बस अड्डा बनावा जायें जेहिसे यात्रिन के बइठे के सुविधा होइ जायें अउर वाहन ठाड़ करै के सुविधा होइ जाये। यहिके साथै मड़इन का रोजगार भी मिल जई। बस अड्डा बनावै खातिर कइयौ दरकी जांच कीन गें है पै अबै तक कुछौ करवाही नहीं भे आय।जिला बांदा, ब्लाक बबेरू, कस्बा बबेरू पुरान तहसील कइयौ साल से खंडहर पड़ी है यहै कारन हेंया के मड़ई मांग करिन है कि बस अड्डा बनावा जायें जेहिसे यात्रिन के बइठे के सुविधा होइ जायें अउर वाहन ठाड़ करै के सुविधा होइ जाये। यहिके साथै मड़इन का रोजगार भी मिल जई। बस अड्डा बनावै खातिर कइयौ दरकी जांच कीन गें है पै अबै तक कुछौ करवाही नहीं भे आय। राजेश कुमार अउर शिवकांत मिश्रा का कहब है कि हेंया ज्यादा जघा है यहै कारन बस अड्डा बनावै के मांग कीन गें है हिंया बस अड्डा बन जाये तौ मड़ई आपन श्री पान गुटखा के दुकान भी खोल सकत है। हेंया के चौड़ी रास्ता है यहिसे दुर्घटना होय के डेर न होइ। आम जनता खातिर बस अड्डा बन जात तौ बहुतै नींक होत। मड़इन का हेंया हुंवा भटके का न पड़ी। हीरा लाल अउरा मथुरा बताइन कि बड़ी-बड़ी दुकान का भी बस अड्डा बने से सुविधा होइ जई। मड़ई चाय समोसा के दुकान भी कइ सकत है अउर बस मा जा के बेंच सकत है।बस अड्डा खातिर कइयौ दरकी सपा विधायक अउर बसपा विधायक दिनकर देख के चलें गें हैं।पै अबै तक कउनौ काम नहीं कीन गा आय। विधायक चंद्रपाल कुशवाहा का कहब है कि जनता का काम हमार काम आय हम बस अड्डा बनवावै के कोशिश करित हन। विधायक प्रतिनिधि पंकज द्विवेदी का कहब है कि बस अड्डा खातिर मुख्यमंत्री का दरखास दीन गे रहै तबै एस.डी.एम अउर लेखपाल से जांच कराई गे है पुरान तहसील मा तीन विभाग का कब्जा है विभाग से बात करै के बाद बस अड्डा बनवावा जई।
रिपोर्टर- गीता देवी
19/06/2017 को प्रकाशित
