खबर लहरिया ताजा खबरें बांदा जिले का ये आदमी पति नही हैवान है, जो अपनी बीवी को मारता-पीटता और घर से निकाल देता है

बांदा जिले का ये आदमी पति नही हैवान है, जो अपनी बीवी को मारता-पीटता और घर से निकाल देता है

जिला बांदा,ब्लाक तिंदवारी,कस्बा तिंदवारी। नीलम 10 अक्टूबर का तिंदवारी थाना मा आपन मनसवा के खिलाफ रपट लिखाइस है जेहिमा नीलम आरोप लगाइस है कि वहिकर मनसवा वहिसे दहेज के मांग करत है दहेज न मिले के कारन वा वाहिका मार के घर से निकाल देत है।नीलम रपट तौ लिखा दिहिस है पै देखौ पुलिस कबै तक कारवाही करत है। नीलम रो रो के आपन हाल बतावत है कि रात के सोवत रहिंव तबै मोर मनसवा दारू पीके आवा अउर मोहिका बहुतै मारिस है अउर घर से निकाल दिहिस है। नीलम का बाप बुदन प्रजापति का कहब है कि मोर दामाद यहिनतान कइयौ दरकी मोर बिटिया का मार के निकाल दिहिस है यहिके खातिर दस दरकी बिरादरी के पंचाइत होइ चुकी है पै वा आपन आदत नहीं सुधारत आय।दहेज मा गाड़ी रुपिया सब दीन गा है पै तबहूं वा रोज दहेज के मांग करत रहत है। नीलम के सास चुन्नी बताइस कि मोर लड़का घर मा सब का मारत है यहै कारन हम अलग बनइत खइत है। एस.ओ.का कहब है कि मार पीट अउर दहेज उत्पीड़न के धारा लगा के रपट लिख लीन गे है।

बाईलाइन-शिवदेवी