जिला बांदा के तिंदवारी ब्लाक के गुगौली गांव मा पन्द्रह साल के लड़की साथै छेड़खानी का मामला सउहें आवा है। आरोपी कउनौ अउर न होय बल्कि पड़ोस मा रहै वाला लक्ष्मण आय। चिल्ला पुलिस थाना के एस. ओ. रमेश यादव का कहब है कि या घटना के शिकायत लिख दीन गें है अउर आरोपी भी जल्दी पकड़ा जई।
लड़की का नाना चन्द्रभूषण का कहब है कि मुहल्ला मा रहै वाला बाइस साल का लक्ष्मण हमार घर मा घुसा रहै अउर पोती साथै छेड़खानी करै के कोशिश करत रहै। सौ नम्बर पुलिस का फोन करे हौं तौ आरोपी दरवाजा नहीं खोलिस आय, तबै हम रपट कइ दीने हन।
लड़की बताइस कि मैं सोवत रहिहौं तबै अचानक आरोपी घुस आवा अउर गन्दी हरकत करै के कोशिश करै लाग जबै मोर नाना आये तौ वहिका मरिन है तौ वा भाग गा है। लड़की के मौसी अंजू बताइस कि हमार बाप जबै आरोपी के घर मा शिकायत करै गे तौ उंई मारिन है। हमार घर से आरोपी का पैंट,बनियान, जूता, पर्स अउर आधार कार्ड मिला है।
रिपोर्टर- शिवदेवी
