बांदा के नरैनी तहसील की गैस एजेन्सी में लोग हर रोज कनेक्शन के लिए चक्कर लगा रहे हैं

बांदा जिला ब्लाक नरैनी घर-घर मा गैस कनेक्शन पहुंचावै खातिर सरकार प्रधान उज्जवला योजना लागू करिस है। जेहिके खातिर मड़ई अगस्त मा फारम भर दीन रहैं।
पै अबै तक बांदा जिला के नरैनी मा मड़इन का गैस कनेक्शन खातिर चक्कर लगावे का पड़त है।
नरैनी तहसील मा रिसौरा गांव से आवै वाला रजाराम बताइस कि गैस कनेक्शन खातिर फारम भरे रहेंव। जेहिमा मोर अउर मोर मेहरिया के आधार कार्ड खाता नम्बर सबै लाग रहै। पै अबै तक हमैं गैस नही मिली आय। गैस एजेनसी वाले दुबारा फारम भरें का कहत हैं। फारम भरें मा कउनै रुपिया नहीं लाग आय।
करतल से आवै वाली रानी कहत है कि सबै मड़इन के गैस आ गे, पै हमैं अबै तक गैस नहीं मिली आय। बाबूजी का फारम जमा कह दीने रहेव, पै अवै तक कुछौ पता नहीं लाग।
या समस्या के बारे मा गैस एजन्सी के मैनजर रविशंकर बतावत हैं कि पहिले जानकारी नहीं रही आय की कीनतान फारम भरै का है। बाद मा जबै सही जानकारी मिली वहै हिसाब से फारम भरें गें है।
गांवन मा सामजिक आर्थिक जनगणना का रजिस्टर मा नम्बर अउर तारीख के हिसाब से मड़इन का नाम निकलत हैं।
अवै तक साढ़े पांच सौ मड़इन का गैस कनेक्शन आगे सत्रह सौ मड़इन के गैस कनेक्शन अबै बाकी हैं जउन यहै महीना तक उनकर नाम आ जई अउर दीन जई।

रिपोर्टर- गीता