जिला बाँदा, क़स्बा बाँदा हेंया जी आई सी इंटर मा 27 दिसम्बर का बहुजन समाज पार्टी कइत से भाई चारा सम्मेलन भा रहै। सम्मेलन मा विपक्षी नेता गयाप्रसाद दिनकर का महेश्वरी प्रजापति जूता फेंक के मारिस रहै। तबै हुंवा अफरा तफरी मच गें। तबै हुंवा जुहान भीड़ महेश्वरी प्रजापति का बहुतै मारिस हैं|
नरैनी प्रतिपक्ष नेता प्रतिनिधी रामकरन आदर्शी का कहब है कि या समय हेंया समाजवादी के सरकार हैं। यहै कारन सबै काम अधूरे पड़े हैं। जउन काम मायावती के सरकार मा शुरु भे रहै उंई सब अधूरे पड़े है।सगले अत्याचार अउर अन्याय होत हैं।
बड़ोखर के रजा वर्मा का कहब है कि मायावती के सरकार अच्छा काम करत रहैं। जउन सरकार अच्छा काम करत है जनता वहिका चाहत हैं।
बसंत बताइस कि समाजवादी सरकार किसानन के हित के खातिर दिखावा करत हैं। मायावती जउन कहत है वा करत है हरिबाबू राजपूत बताइन कि बहुजन समाज पार्टी आगे आवत है। काहे सेवा अच्छा काम करत है|
रिपोर्टर- गीता
30/12/2016 को प्रकाशित
