बाँदा में आंगनवाड़ी कार्यकर्ताओं का धरना

जिला बांदा, शहर बांदा आंगनावाड़ी कार्यकर्ता आपन मांगन का लइके धरना धरिन। उनकर मांग है कि उनके वेतन पन्द्रह हजार रुपिया होय का चाही। अगर हमार मांग पूर ना होई तौ दुई महीना के बाद आमरण अनशन करै खातिर मजबूर होय का पर सकत है। यहिके खातिर चित्रकूट आयुक्त मण्डल का ज्ञापन दीन गा है।
अखिल भारतीय आगनवाड़ी करमचारी संघ मण्डल अध्यक्ष नीलम वर्मा का कहब है कि केंद्र सरकार से लइके राज्य सरकार तक का काम हम लोग करित हन। यहिसे हम लोगन से काम तौ खूबै करवाये जात हैं। यहिके बादौ वेतन बहुतै कम दीन जात है। महंगाई रोजै बढ़त जात है,पै हमार वेतन नहीं बढ़त आय। अब हमार वेतन बढ़ै का चाही।
आयुक्त मण्डल का कहब है कि ज्ञापन लइ लीन गा है। उनके ज्ञापन का सरकार के लगे भेज दीन गा है। अगर सरकार आगनवाड़ी कार्यकर्ता का वेतन बढ़ाई तौ बढ़ सकत है।