जिला बांदा, ब्लाक तिंदवारी, गांव खौडा हेंया बीस साल पहिले पानी के टंकी बनवाई गे रहैं। सरकार लाखों रुपिया खर्च कइके या टंकी बनवाइन रहै। अउर पूर गांव मा पाइप लाइन भी बिछ गें रहै। पै अबै तक पानी नहीं दीन गा आय।
यहै कारन गांव के मड़ई कहत है कि सुनवाई न होई तौ अनशन करै का मजबूर होइ जइबै।
रातरानी मिश्रा समेत कइयौ मड़ई बताइन कि 20-25 साल पहिले सरकार पानी के टंकी बनवाइस रहै अउर पूर गांव मा पाइप लाइन बिछवाइस रहै।
पै या सब नाम खातिर आये काहे से जबै से पानी के टंकी बनी है तबै से बंद पड़ी है आज तक पानी के सप्लाई नहीं चालू भे आये मडइन का बहुतै दूरी से पानी लावै का पड़त है। यहै कारन हमैं बहुतै परेशानी होत है जलसंस्थान विभाग से कइयौ दरकी कहा गा है पै उंई सुनवाई नहीं करत हैं । गरीब जनता के मजबूरी होइ अगर पानी ना शुरू करवाइन तौ अनशन करबै।
जल संस्थान के जेई आर के मौर्य का कहब है कि दतरौली गांव पाइप लाइन सही है। खौडा गांव की पाइप लाइन जल्द ही बनवा दीन जइहैं।
रिपोर्टर- शिव देवी
15/12/2016 को प्रकाशित
