बाँदा जिले के भवई गाँव की गुड़िया के साथ की पति ने हिंसा

जिला बांदा, ब्लाक नरैनी, गांव भवई 28 दिसम्बर का हेंया गुड़िया का वहिकर मनसवा नाक काटे के कोशिश करिस हैं। जबै वा नाक काटे मा सफल नही होइ पावा तौ वहिका आगी मा ढ़केल दिहिस हैं। तबै गुड़िया वनांगना संस्था के मदद से आपन मनसवा के खिलाफ मुकदमा कइ दिहिस हैं। ससुर मइयादीन इं आरोप का झूठ बतावत हैं।
गुड़िया का कहब है कि मूड़ ओंढ़े का अउर चुगली करै खातिर मोर मनसवा मोहिका मारत रहै। फेर वा हंसिया से मोर नाक काटे के कोशिश करिस। जबै नाक नही काट पावा तौ मोहिका आगी मा ढ़केल दिहिस है, जेहिसे मै जल गइंव हौं।
गुड़िया का बाप जानकी शरण का कहब है कि हम चाहित हन हमार दामाद अच्छे से हमार बिटिया का राखे अउर अच्छे से आपन घर देख के चले अब तौ या मोर बिटिया के ऊपर है कि वा आपन ससुराल जात है कि नहीं। जबै तक मैं जिंदा हौ वहिका नमक रोटी जउन है वा खवाके अपने लगे रखिहौं।
गुड़िया का ससुर मइयादीन का कहब है कि मोर लड़का वहिका कत्तौ नही मारत रहै।मोर बहु का दिमाक सही नही आय। बिटिया सब्जी बनावत रहै, तबहिनवा जल गें है।

रिपोर्टर- गीता

13/01/2017 को प्रकाशित