जिला बांदा, कस्बा बांदा डिजिकल इंडिया का बढ़ावा दे के चक्कर मा बाजार से नगद रुपिया कम कई दीन गा है यहै कारन हेंया के 80 प्रतिशत ए. टी. एम . बंद पड़े है। बैंकन मा रुपिया निकालै खातिर लम्बी लाइन लगावै का पड़त है जेहिसे हेंया के मड़इन का बहुतै परेशानी का सामना करै का पड़त है।
ओमप्रकाश का कहब है कि पूर बांदा मा 25 -30 ए. टी. एम. है पै वहिमा से एक ए. टी. एम. बस चलत है बाकी सब बंद पड़े है सगले घूम के देखा है कउनौ ए. टी. एम. नहीं खुला आय जेहिसे रुपिया निकालै मा बहुतै परेशानी होत है।
मनोज अउर विक्रम बताइन कि हमार घर मा शादी है रुपिया निकालै खातिर 15-20 दिन से ए. टी. एम. के चक्कर लगाइत हन पै ए. टी. एम नहीं खुलत आय। रोज लउटे का पड़त है।
हिमांशु बताइस कि तीन जघा ए, टी. एम. गये हौं सब बंद पड़े है आपन रुपिया निकालै मा बहुतै परेशानी होत है। इलाहाबाद ग्रामीण बैंक के प्रबन्धक अधिकारी दिलीप कुमार का कहब है कि सरकार चाहत है कि मड़ई डिजिकल से सामान खरीदे तौ नगद रुपिया के समस्या न होइ।
रिपोर्टर- गीता देवी
05/06/2017 को प्रकाशित
