बरसात मा माटी कै घर गिरा
जिला फैजाबाद, ब्लाक मया, कस्बा गोशाईगंज मोहल्ला कटरा। हिंआ दुई लोगन कै घर तीन महिना भै गिरे। लकिन मुआवजा नाय मिला बाय अबहीं ले।
आशमा बानों बताइन कि हमार घर जब बहुत बारिश हुअत रहा। वही मा गिर गै। हमार पूरा परिवार खुले आकाश के नीचे आय गै। लकिन सरकारी सहायता नाय मिला हमरे चार गेदाहरै छोट-छोट बाटिन केहू कमाय वाला नाय बाय कि हम आपन घर बनाय सकी। लेखपाल से कहेन तौ लिखे हइन कहिन कि कुछ सहयोग मिले लकिन उहौ अबहीं तक नाय मिला। वहीं एैनुलहक बताइन कि हम लेखपाल से कहे हई पूरा घर गिरा खुला होय गै रहा तौ यहर वहर उधार लइके दिवाल घेराय देहे हई। अब बनावै कै पैसा नाय बाय इहै लखत बीत गै कब पैसा मिले काम शुरू करी चेयरमैन अउर लेखपाल दुई जने देख के नाव लिख के लई गै हइन।
लेखपाल केशव रामगुप्ता बताइन कि दैविक आपदा राहत फार्म भरके दिया गै बाय लकिन अबही जिला से पैसा नाय आवा बाय।