दूसर क़िस्त के इंतज़ार मा नहीं पर पाई छत
जिला बांदा, ब्लाक नरैनी, गांव पथरा। हेंया दलितन खातिर जनवरी 2014 मा 14 इन्द्रा आवास आये रहैं जउन दूसर किस्त न आवैं से अधूरे परे हैं। या मारे मड़ई ब्लाक तौ कतौ प्रधान के लगे दउडे-दउड़े परेशान हैं।
गांव के साबित्री, राजाबाई अउर रामबाई का कहब हैं कि उनका आवास बनावै खातिर पहली किस्त मा पैंतिस हजार रूपिया मिला रहै। कउनौतान से छत परैं तक आवास बन गे हैं। दूसर किस्त न आवैं से छत परै खातिर आवास अधूरे परे हंै।
प्रधान साबित्री देवी के मौजूदगी मा प्रधान का भतीजा मोती लाल कहत है कि आवासन के फोटो खींच के ब्लाक मा जमा कई दीन गे है। चुनाव बाद दूसर किस्त का रूपिया अई। नरैनी ब्लाक मा आवासन का काम देखै वाला बाबू जहान अली अउर सचिव जर्नादन प्रसाद कहत है कि आवासन के फोटो ब्लाक मा जमा होई गई है। दूसर किस्त आवैं मा दुई महीना लागी।