बिजली बिना परेशान
जिला चित्रकूट, ब्लाक कर्वी, गांव लोढ़वारा। हिंया के सैकड़न मड़ई बिजली का बिल बढ़ के आवैं से बिजली विभाग के चक्कर लगावत हवै। या कारन 6 जुलाई 2013 का तहसील दिवस मा दरखास दिहिन हवै।
कर्वी बिजली विभाग के बाबू विजय पटेल का कहब हवै कि मीटर बदले जइहैं। इलेक्ट्रानिक मीटर लगाये जइहैं अउर बिल बदल के दूसर दीन जई। लोढ़वारा गांव के गीता, गनेश प्रसाद, रामभजन समेत दस लोगन का कहव हवै कि हम चार बरस से बिजली कनेक्शन लीने हवैं। बिजली विभाग कत्तौ रीडिंग चेक करै नहीं आवत आय अउर मनमानी बिल भेजत हवै। गरीब मड़ई कसत येत्ता बिल भर सकत हवैं। यहिनतान शकुन्तला भी कुछ आपन बीती बताइस कि या दरकी का नौ हजार रुपिया अउर चैबा का दुइ महीना का दुइ हजार रुपिया बिल आवा हवै। या कारन हम सबै मिल के कर्वी तहसील दिवस मा 6 जुलाई 2013 का दरखास दीने हन।