बंधक बनाय के बलात्कार कै आरोप

जिला फैजाबाद, ब्लाक तारुन। हिंआ 17 जनवरी 2015 का तेरह साल के छात्रा कै अपहरण होइगा रहा। घटना के समय लड़की गांव मा एक षादी समारोह मा गै रही। बंधक बनायके गैंगरेप कै आरोप लगाइन। थाना मा दर्ज भै रिपोर्ट।
परिवार वाले कै आरोप बाय कि 17 जनवरी का हमरे बिटिया कै अपहरण भै रहा। 22 जनवरी का थाना मा रिपोर्ट दर्ज करायगै। काफी खोजबीन के बाद गांव से ही पुलिस बरामद करिन। गांव कै ष्यामलाल अउर उनकै बेटवा धीरेन्द्र दुई मंजिला कमरा मा बंधक बनाय के रखे रहिन। षादी कै दबाव बनावत रहिन न मानै पै मारत पीटत अउर हाथ पैर बांधके मंुहमा कपड़ा भर के रखत रहिन। आरोप बाय कि  लडकी के साथे बलातकार भी करत रहिन। लड़का कै महतारी उनके ऊपर पहरा दियत रही। अउर घरवाले लड़की का ढंुढावावै मा मदद करत रहिन। जेसे पता न चलै कि लड़की उनहीं के घरमा बाय।
तारुन थाना कै दीवान इन्द्रजीत उपाध्याय बताइन कि 17 जनवरी 2015 का लड़की कै अपहरण भै रहा। रिपोर्ट दर्ज कराये के बाद गांव से ही लड़की का बरामद कीनगै। कोर्ट मा बयान भै जेहमा षादी के ताई बंधक बनाय के बलात्कार कै आरोप लगाइस। लड़की के बयान पै मुजरिम धीरेन्द्र मौर्या उनके पिता ष्यामलाल का पकड़ के चालान कै दीनगै बाय। धारा 363, 366 (महिला या लड़की का अपहरण) 376(बलात्कार) 346 (अवरोध करके घर में रखना) 368, 504 (गाली गलौज) 506(जान से मारने की धमकी) 3/4 पास्को एक्ट कै धारा लाग बाय। दुई आरोपी पिंकू तिवारी अउर धीरेन्द्र कै महतारी मालती फरार बाटिन। लड़की का मेडिकल के ताई भेजा गै बाय।