फैजाबाद जिला मा फैजाबाद स्पोर्ट्स मीट अंडर 12 खेल प्रतियोगिता कै आयोजन भा। दुई दिवसीय यहि प्रतियोगिता मा जिला के कइयो विद्यालय कै गेदहरै बढ़-चढ़ के हिस्सा लिहिन ।
भगवान दास अग्रवाल सचिव जिला ताईक्वान्डो संघ बताइन की छात्र-छात्रा कै एक पौध निकारी जाय काहे से स्कूल ही एक ऐसा माध्यम आय जवन छात्र-छात्रा का आगे बढ़ाय सकाथै। छात्र-छात्रा का आगे बढ़ावै के ताई ई आयोजन कीनगा बाय। जेहमा फ़ुटबाल, बैटमिन्टन टेबल टेनिस यहि तरीका कै खेल अहैं।
फैजाबाद कै खिलाड़ी ओमकार रावत का टेबल टेनिस से पहला पुरस्कार मिला। वर्तिका तिवारी सौ मीटर, दुई सौ मीटर मा मेडल जीतके नाम रौशन करिन। छोटे खिलाड़ियन कै सपना भी बड़ा बाय। खिलाड़ी वैष्णवी यादव 100 मीटर, शार्ट फुट, लॉन्ग जम्प मा मेडल जीते हई हम अपने जीत कै श्रेय अपने गेम टीचर का दियब। यतना ही नाय वैष्णवी खेल मा ही आगे बढ़ै चाहाथिन। कार्तिक पांडे फ़ुटबाल मा तीसरा पुरस्कार जीतके नाम रोशन करिन। इनकै सपना आईएएस, फुटबालर बनै कै बाय।
श्रुती अध्यापिका बताइन कि इनके सब कउनौ भी गेम लगभग नाय खेलत रहे, कबड्डी अउर फ़ुटबाल तौ रहा ही नाय तौ फ़ुटबाल के ताई इनके सबका रेडी करेन। हियां लावै कै मेन वजह कि इनके सबका पता चलै कै गेम काव हुवाथै। बाहर कै माहौल कैसे रहाथै देख अउर जान सकै।
भगवान दास अग्रवाल सचिव जिला ताईक्वान्डो संघ बताइन की छात्र-छात्रा का आगे निकारै स्टेट लेबल फिर नेशनल लेबल अउर फिर अंतर्राष्ट्रीय लेबल पै तैयार किया जाये। मुख्य रूप से फैजाबाद से जवन छिपी प्रतिभा बाय उनका उजागर करै उनके हुनर का आगे निकारै कै मेन उद्देश्य बाय।
रिपोर्टर-कुमकुम
Published on Feb 19, 2018
