जिला फैजाबाद, ब्लाक मया, गाँव जमुनीपुर कै मनई राशनकार्ड के सूची मा नाम कटे का लईके परेशान अहैं। गाँव वाले कै आरोप बाय कि आये दिन अधिकारिन कै चक्कर लगावत हई लकिन केहू सुनत नाय।
जमुनीपुर निवासी हरजू कै कहब बाय कि पहिले गाँव मा कोटा रहा तौ राशन मिलत रहा। अब कोटा अउर कोटेदार दुईनौ बदल गये कोटा गंगा पुर चलागा। आनलाइन करायन सूची मा नाम बाय तबौ नाय मिलत। हाथ गोड़ से विकलांग बरजू निषाद कै कहब बाय कि राशन मिलत रहा तौ कउनौ दिक्कत नाय हुवत रही अब छहमहीना से बिना कौनौ कारण के राशन नाय देते जबकि हमरे सब ऑनलाईन करवाए हई सूची मा नाम भी बाय।
प्रधान चन्द्र सिंह चौहान कै कहब बाय कि जवन बी पी एल वाले रहे उनकै लगभग उनसठ जने कै कार्ड छुट गए बाय।पहले राशन मिलत रहा अबकी वाली सूची मा नाम नाय आय।न राशन मिलै न ही इनके कार्ड बना बाय।गंगापुर गरंट प्राथमिक विदयालय मा बैठक भए फॉर्म आनलाईन कराय के प्रस्ताव अउर फॉर्म जिला पूर्ति अधिकारी के हिंया जमा कीं गए अबहीं तक कौनौ काम नाय भए। अगर काम न होये तौ जनता का लइके भूख हड़ताल करब।
मया ब्लॉक कै विपड़न अधिकारी संजू सिंह कै कहब बाय कि प्रस्ताव आय बाय लकिन वक्रे ताई डी एस ओ सर से बात करब कि आचार संहिता मा नया कार्ड पास होये कि नाय। कौनौ निर्णय होये तौ कराय जाये।
रिपोर्टर- संगीता और मनीषा
Published on Jan 9, 2017
