जिला फैजाबाद, दर्शननगर, कुढ़ा केशवपुर के दर्शननगर थाना क्षेत्र के कुढ़ा केशवपुर मा 17 जनवरी का एक ट्रक पलट गए जेसे दुई मनई कै मउत होइगै।
कुढ़ा केशवपुर निवासी सिद्धू कै कहब बाय कि ट्रक खूब तेज से आई झोल खायके गिर गए। ड्राईवर निकला तौ सब पकरिके मारै लागिन। घर मा बंद करे रहिन पुलिस छोड़ाय के लै गए। जेसीबी लाग रही ढाई घंटा बाद शव बाहर निकाल मिला।
मृतक शिवराम कै बिटिया खुशबू कै कहब बाय कि हमार पापा जानवर कै चारा भरत रहे। बारह साल कै हमार भाई रहा भाग नाय पाइस वहिके नीचे दबाय गये।
जगदम्बा उपाध्याय कुढ़ा केशवपुर कै कहब बाय कि हाइवे से गाड़ी तेज रफ़्तार से आवत रही बैलेंस नाय बनाय पाइस पलट गए। मृतक शिवराम कै बड़ी बिटिया कै कहब बाय कि जब निकरा गए तौ जान नाय रही मुह एकदम झलरा होइगै रहा। पहचान नाय मिला कि हमार भाई हुवय।
गन्ना कै खोइया लदी रही। एस पेपर मिल का जात रही। ई हाइवे रोड न आय परिक्रमा मार्ग आय तबौ हमेशा ठंढी मा ओवर लोड होइके चलाथै। सब चंदा खाइके हाइवे पै गाडी चलुवावत अहैं। 100 नंबर पै फोन कीन गा दस कदम कोतवाली बाय लकिन मौके पै नाय पहुची। सैट किलोमीटर दूर से अयोध्या पहुंचे। तब फोन कइके बुलाइन।
विधायक तेज नारायण पाण्डेय घटना वाले दिन आर्थिक मदद के नाम पै तीस तीस हजार रुपया दिहिन। साथ ही दोषियन के खिलाफ सक्त कारवाही कै निर्देश दिहन। साथ ही साथ दर्शन नगर चौकी प्रभारी सचेन्द्र यादव का सस्पेंट कै दीन गा बाय।
रिपोर्टर- मनीषा
27/01/2017 को प्रकाशित
