जिला फैजाबाद के सिलाई केंद्र अउर ब्यूटी पार्लर कै कुछ मेहरारू धोखाधड़ी कै आरोप लगाये अहैं। मेहरारुन कै कहब बाय कि सिलाई कढ़ाई प्रशिक्षण करावे के ताई शहीद असफाक उल्ला खां समाज कल्याण सेवा समिति लहरापुर जनपद औरैया वाले स्थानीय सेंटर चलावैके ताई पचीस हजार रुपया जमा करवाइन।
सेंटर चलावे वाले का वेतन भी दीन जाये अउर सीखे वालेंन का प्रमाणपत्र अउर रोजगार सम्बन्धी सामान दिये कै भी वादा भी करे रहिन। लकिन पैसा लियै के बाद सारे कार्यकर्ता फरार होय गए।ई संस्था फैजाबाद से संचालित नाय बाय जेसे स्थानीय अधिकारी वहपे कार्यवाही नाय करत अहैं।
मंजू मौर्या प्रशिक्षक कै कहब बाय कि शहीद असफाक उल्ला खां समाज कल्याण सेवा समिति कहे रहे कि सार्टिफिकेट के साथ साथ वेतन अउर स्कालरशिप दिया जाये लकिन सिर्फ सार्टिफिकेट दिहिन। अंजनी मौर्या प्रशिक्षक कै कहब बाय कि सोनी सर अगस्त मा हमार करवाए रहिन। सिलाई अउर पार्लर दुई बैच चलावत रहेन। कहे रहे साल भर कै कोर्स रहे लडकियन का स्कालरशिप मिले अउर सारी सामग्री दीन जाये।लकिन आज तक न पैसा मिला न ही सामान।
सिलाई पार्लर सीखे वाली दीपा यादव कै कहब बाय कि सिलाई अउर पार्लर दुइनौ सिखत रहेन। एहि आधार पै एडमीशन भा रहा कि सीखै कै पूरा मौका मिले।सिलाई के ताई चार सौ अउर पार्लर के ताई साढ़े छह सौ दिहन लकिन पूरा साल नाय सिखाय गा। लक्ष्मी प्रजापति कै मांग बाय कि हमार हक हमैं वापस दीन जाय।
रिपोर्टर- मनीषा
07/04/2017 को प्रकाशित
