जिला फैजाबाद, ब्लाक मया। जून महीना से मया ब्लॉक के दुइनो सहकारी समिति पै केंद्र सरकार द्वारा चलाई गए योजना के तहत खाद अउर अन्य खर्चा के ताई तीन प्रतिशत ब्याज पै लोन दीन जात बाय। लकिन का येहि लोन कै सुबिधा हर किसानन का मिलत बाय। नियम बाय की किसान का आपन खसरा, खतौनी, बैंक पासबुक अउर दुई फोटो जमा करै का बाय। अधिकारियन कै कहब बाय की खसरा खतौनी विभाग से ही निकरत बाय जेकरे ताई काफी दिक्कत हुवत बाय। जेसे किसान लाभ नाय उठाय पावत अहै।
रामप्रसाद कै कहब बाय की हम बीस साल से मेम्बर हई लकिन अबही तक कौनो सुबिधा नाय मिली बाय। हर साल आठ से दस बोरी खाद समिति से लई जाई थी। वही सालिकराम कै कहब बाय की तीन प्रतिशत ब्याज पै एक लाख रुपया तक ब्याज मिलत बाय।
शेषदत्त त्रिपाठी बताईन कि मया ब्लॉक मा दुई सहकारी समिति बाय। दुइनो जगह अलग-अलग दिन खुलाथै। जनता का पता बाय की एक जगह बुधवार बृहस्पतिवार का खुलाथै। जेसे वै समय से पहुंच जाथिन।
आंकिकी राम आशीष बताईन कि केंद सरकार द्वारा चलाई गए योजना हुवे। येह्मा किसानन का तीन प्रतिसत ब्याज पै लोन दीन जात बाय। खाद अउर अन्य खर्च के ताई। जेसे वै अपने खेत कै सही तरीका से रख रखाव सही तरीका से कै सकै। किसानन का आपन खसरा खतौनी बैंक पासबुक और दुई फोटो जमा करै का बाय। जेसे उनका सही लाभ मिल सकै। खसरा खतौनी विभाग से निकार जात बाय जेसे थोड़ी दिक्कत हुवत बाय लकिन लाभ हर किसानन का मिले।
रिपोर्टर- संगीता और मनीषा
फैजाबाद के मया ब्लॉक में क्षेत्र में सहकारी समितियों से मिल रहा कर्ज
क्या ये मिल रहा है किसानों को?
