फैजाबाद जिला के बीकापुर क्षेत्र मा 11 साल के गेदहरा के साथे यौन उत्पीड़न कै मामला सामने आय बाय । शिकायतकर्ता के अनुसार सूरज पाण्डेय नाम कै युवक सूरज के साथ छेड़छाड़ अउर मारपीट करिस ।
ज्ञानमती शिकायतकर्ता कै दादी बताइन कि रामनरायन कै बेटवा सूरज हमरे नाती का गन्ना मा पकरिके लै गये । गन्ना के खेत मा बेइज्जत करिन मारिन पीटिन अउर हाथ पकरिके उमेठ दिहिन हाथ तुटिगा । शिकायतकर्ता के अनुसार हमैं घर से बुलाय के लै गये अउर गन्ना के खेत मा मारिन पीटिन।
शिकायतकर्ता कै भाई आशीष तिवारी बताइन कि दुई जने आयके हमरे दूकान पै बैठा रहे वकरे बाद इनका मोबाइल दिहिन फिर इनका खीँचके बगिया मा लै गये। हम थाना मा शिकायत दर्ज करावे आय हई।
यहि मामला मा बीकापुर कोतवाली के कोतवाल अरविन्द कुमार पांडे बताइन कि आरोपी का गिरफ्तार कै लीनगा बाय अउर शिकायतकर्ता का मेडिकल जाँच के ताई भेज दीन गा बाय। जाँच रिपोर्ट आवै के बाद आगे कार्रवाई होये।
रिपोर्टर- कुमकुम यादव
