फसल बर्वाद हुवय से करिन आत्महत्या

जिला फैजाबाद, ब्लाक बीकापुर, ग्रामसभा दयाल जोत। 10 अपै्रल 2015 का अधिया पै खेती करै वाले किसान मुकेष चैहान फसल खराब हुवय से खुद का आग लगाय लिहिन। पत्नी कै आरोप बाय कि गंेहू दांय के आइन तो गेहूं कम निकरै कै बात कहिन।
मृतक कै मेहरारू सुषीला बताइन कि दुसरे कै खेत एक बीघा अधिया पै बोये रहेन। हमरे पास सिर्फ तीस एअर खेती बाय। जेहमा आलू अउर चना बैठाये रहेन। षुक्रवार का षाम के गेहूं दाय के आये तौ सिर्फ यतना कहिन कि खेती करे कउनौ फायदा नाय बाय। वही के चिन्ता मा रात मा मिट्टी कै तेल डारके जलै कै प्रयास करिन। जिला अस्पताल लै जाएगा चैविस घंटा मा खतम होय गइन। सुषीला कै अम्मा प्रेमा देवी बताइन कि छोट-छोट तीन गेदहरा अहैं। इनके सबकै देखभाल कैसे होये ?
गंाव वालेन कै कहब बाय कि गेहूं दायं के आवै के बाद दुइनौ जने मा लड़ाई भै रही। इनके सबकै आरोप बाय कि सुषीला मनरेगा मा अउर दुसरे के खेत मा मजदूरी करै जात रहीं। जवन मृतक मुकेष मना करत रहिन। लकिन आपन छोट-छोट गेदहरन कै पेट पालै के ताई मजबूरन मजदूरी करै जात रहिन। काहे से मुकेष षराब भी पियत रहिन। घरमा काव बाय काव नाय यसे मतलब नाय रहा।
प्रभारी जिला अधिकारी अरविन्द मलप्पा बंगारी 15 अपै्रल 2015 का मृतक मुकेष चैहान के मेहरारू का रेडक्रास कोष से एक लाख कै चेक दिहिन। अउर मुख्यमंत्री कोष से पांच लाख रुपया कै आर्थिक सहायता, कालोनी, विधवा पेंषन कै आष्वासन दिहिन। साथ मा बीकापुर एस.डी.एम. अमित कुमार सिंह, तहसीलदार अरूण कुमार मिश्रा अउर प्रधान प्रतिनिधि श्रवन दूबे भी मौजूद रहिन।