जिला फैजाबाद अउर अम्बेडकरनगर के किसान का गेहूं कै नुक्षानी कै मुआवजा अबहीं तक नाय मिला बाय जब गेहूं पक के तैयार भै अउर काटै के समय नाय आवा कि तब तक हुद- हुद के चक्रवर्तीय बरसात से गेहूं खेतेन मा लोट गै। जवन दाना दूध घूटत रहा तभै ऊ सब सड़ गै।
सरकार सब किसान का फसल नुकसानी कै चेक लेखपाल के माध्यम से बांटा गै लकिन सब किसान का नाय मिल पावा। प्रषासन के रजिस्टर मा तौ सबका मुआवजा मिल चुका बाय लकिन आज तक भी हर गांव मा दुई चार लोग का मिल बाय बाकी मनई बार-बार लेखपाल बी.डी.ओ. अउर जिला अध्किारी के खिंआ चक्कर काटत रहि जात बाटिन।
मया क्षेत्र कै रामकल्प पाठक, रामकृपाल, सियाराम कै कहब बाय कि हमार फसल ज्यादा मात्रा मा खराब भै बाय लकिन हमरे सबका कउनौ मुआवजा नाय मिला बाय। जब ये सब प्रषासन से मंाग कराथिन तौ अधिकारी कहाथिन कि यहां सबकै चेक बनके चला गै बाय।
जब सबकै चेक कटिके चला गै बाय तौ आखिर पीडि़त किसानन का अबहीं तक काहे नाय मिला? यकरी खातिर जिला अधिकारी का जांच कराय के उचित मनई का लाभ देवावै का चाही? अगर सरकार कउनौ योजना चलावत बाय तौ वोका प्रषासनिक अधिकारी का पूरा करै का चाही? यहि तरह से समाज मा सरकार कै छवि खराब होत देखात बाय?