इलाज के लेल लोग परेशान
जिला सीतामढ़ी, प्रखण्ड डुमरा, गांव बरहरवा के आफरीन खातून अउर प्रखण्ड बाजपट्टी, गांव बेलहियां के नाजरा खातून के हाथ टूटल के पलास्टर के लेल 22 फरवरी 2015 के सुबह से बारह बजे तक सदर अस्पताल में बच्चा के लेके माता-पिता परेशान रहथिन लेकिन प्लास्टर न होलई।
बरहरवा के रहमतुल्ला कहलथिन कि हमरा बेटी के हाथ टूटल हई। पुर्जा कटा गेल, ऐक्सरे भी हो गेल हई। इहां के स्टाप कहई छथिन कि 28 फरवरी के आवेला। हम गरीब लोग मजदूरी कर के अपन अपन घर के खर्चा चलबई छी। प्राईवेट से इलाज के लेल की करू। सरकार सदर अस्पताल में एतना सुविधा देले छथिन लेकिन कहां मिलई छई।
स्वास्थ्य प्रबंधक शंम्भू सिंह कहलथिन कि इहां सर्जन अउर फिजिसियन कुल आठ डाॅक्टर हई। प्रखण्ड में भी हड्डी के डाॅक्टर न हई जेई कारण सदर अस्पताल में काफी भीड़ हो जाई छई। जिनका पास ज्यादा मरजेन्सी रहई उ प्राईवेट अस्पताल से इलाज करवई छथिन।