खबर लहरिया ताजा खबरें प्रार्थना के समय छात्रा से लगवावत झाडू

प्रार्थना के समय छात्रा से लगवावत झाडू

taza finalजिला फैजाबाद, ब्लाक तारुन, पूर्व माध्यमिक विद्यालय परसावां महोला। हिंआ 10 मार्च 2015 का एक तरफ प्रार्थना हुवत रही दुसरी तरफ छात्रा से झाडू लगवाय जात रही। यहि बात पै अध्यापक कहिन कि राष्ट्रगान के समय छात्रा का बुलाय लेहे रहेन।
स्कूल कै गेदहरै कोमल चांदनी अंजू रजनीष विमलेष कै कहब बाय कि प्रार्थना के पहिले रोज झाडू लगाईथी। जब तक सफाईकर्मी आवाथे तब तक हमरे सब सफाई कै लीथी। षिक्षक कहाथे सफाई कै लिया करा। सफाईकर्मी आवाथे तबौ हमरे सबसे झाडू लगवावाथे। अध्यापक धर्मेन्द्र प्रताप बताइन कि गेदहरै गन्दगी कराथे तो सफाई भी कराथे। प्रार्थना के समय झाडू लगावत रही लकिन जब राष्ट्रगान हुवय लाग तौ हम बुलाय लेहे रहेन। राष्ट्रगान के समय कउनौ गेदहरा इधर उधर न हुवय। सफाईकर्मी बालमुकुन्द बताइन कि हमैं दुइनौ स्कूल मा सफाई करै का रहाथै। प्राइमरी स्कूल मा सफाई कइके तब यहमा आईथी। बाउन्ड्रीवाल न हुवय से गांव वाले काफी गन्दगी कै दियाथिन। जेसे काफी सफाई करै का पराथै।
अपर बेसिक षिक्षा अधिकारी गयाप्रसाद बताइन कि अगर स्कूल मा सफाईकर्मी नाय न्युक्त बाटे तौ गेदहरै झाडू लगाय सकाथिन। लकिन सफाई कै न्यूक्ति रहते हुए प्रार्थना मा सफाई करावत अहैं उहौ एक छात्रा से तौ गलत आय। यकै जांच कराय के कार्यवाही कै जाये।