जिला चित्रकूट, ब्लाक कर्वी, क़स्बा कपसेठी। हिंया के मड़इन का आरोप हवै कि समाजवादी पेंशन का फार्म साल भर पहिले भरा रहै। अबै तक समाजवादी पेंशन नहीं मिलत आय। यहिके खातिर प्रधान अच्छेलाल से 24 जून का कहा गा, पै वा कउनौ ध्यान नहीं देत आय।
गांव के पानमती, लक्षमीनिया अउर केसरिया का कहब हवै कि पात्र आहिन। हमरे लगे एकौ बिसवा जमीन तक नहीं आय। रोज के बनी मजूरी करित हन। यहिसे सोचित हन कि अगर समाजवादी पेंशन मिलै लागै तौ थोइ नून रोटी का सहारा होइ सकत हवै। एक साल होइगा समाजवादी पेंषन का फार्म भरे, पै समाजवादी पेंषन नहीं मिलत आय।
प्रधान अच्छेलाल कहिस कि समाजवादी पेंशन के दुइ सौ चैबिस फार्म भरवाये रहौं। वहिमा से कुल साठ लोगन का समाजवादी पेंशन मिलत हवै। समाज कल्याण अधिकारी डी डी मुदगल कहिन कि जउन मड़इन का सरकार के लगे से समाजवादी पेंषन पास होइगे हवै। उनका समाजवादी पेंषन मिलत हवै। जेहिके नहीे पास भे हवै। उनका नहीं मिलत आय। होइ सकत हवै कि समाजवादी पेंषन मिलै लागै।