प्रधान के ऊपर घूस ले का आरोप

जिला बांदा, ब्लाक तिन्दवारी गांव डिघवट। हेंया के मड़ई का आरोप है कि प्रधान उनका कालोनी दें मा सात-सात हजार रूपिया घूस लिहिस है। अब दूसर किस्त नहीं देवावत। यहिसे 14 सितंबर का बी.डी.ओ. ओ.पी. शुक्ला का दरखास दइके जांच के मांग कीन है।
मइयादीन, कल्लू अउर रामादेवी बताइन कि प्रधान उनका अप्रैल के महीना मा इन्द्रा आवास कालोनी दिहिस रहै। कालोनी के एक किस्त निकरा के सात हजार रूपिया प्रधान लई लिहिस। बांकी हम कालोनी बनवावैं मा खर्च कीन अब कालोनी छत परै का रही गई हैं तौ प्रधान दूसर किस्त देवावै का ध्यान नहीं देत आय।
तिन्दवारी बी.डी.ओ. ओ.पी. शुक्ला कहत है कि या मामला के जांच कराई जई। जांच मा घूस ले का मामला सही पावा गा तौ प्रधान के ऊपर कारवाही कीन जई।