सीमा देवी
जिला शिवहर, प्रखण्ड तरियानी, गांव सलेमपुर नरकटिया टोला। इहां के सीमा देवी बाया आंख से विकलांग छथिन। लेकिन उनका कोई सरकारी सुविधा न मिल रहल हई।
सीमा देवी कहलथिन कि हमरा बचपन से ही एगो आंख न हय। शादी के भी लगभग दस साल हो गेल लेकिन विकलांग पेंशन न मिल रहल हय। सुमहुती में जाके भी नाम लिखबईली तईयो कुछ न भेल। चार साल पहिले शिविर में भी कागज जमा कईली हमरा पास कोई जानकारी भी न हई की हम विकलांग प्रमाण पत्र बनबईती। जब पेंसन के लेल जनप्रतिनिधि के कहई छी त उनका भी बतावे के चाही कि पेंशन के लेल कोन-कोन कागज के जरूरी हई। ओकरा बनवावे के लेल कथी सब करे के होतई। हम सब कि जाने गेलियई की कोन काम के लेल की करे के होई छई।
मुखिया नाजो खातून के पति अमीन अंसारी कहलथिन कि बिना विकलांग प्रमाण पत्र के केकरो पेंसन न मिलई छई। दोसर में लोग हमरा पास अइथिन तब न हम उनका कुछ बतबई। दोसर या तेसर लोग के हाथ कागज देई छथिन तब हम कि कर सकई छियई। अस्पताल से विकलांग प्रमाण पत्र बनवा के लोग आवेदन हमरा पास जमा करे या प्रखण्ड में आर.टी.पी.एस. काउन्टर पर जमा करथिन तब उनका पेंशन मिलतई।