पेंशन नाय बनत बाय तौ परेशान मनई

जिला फैजाबाद, ब्लाक मया, गाँव  मयाभीखी, मजरा लक्ष्मनपुर मा पेंशन नाय बना बाय। रामदयाल, रंजित, विक्रम बताइन कि हम 70 साल कै हई तवने पै पेंशन नाय बनी बाय खेतबारी दस विस्सा बाय इहौ नाय कि दस-बारह विगहा बाय। ईंटा गारा दैइके परिवार चलावत हई।
हरिराम, शेरे बताइन कि पहले वाले प्रधान कहिन कि यहि साल नाय अगली साल बनवाय दियब इहै कहत उनकै प्रधानी बीत गै अब यै भै हइन। तौ हमरे सबके गाँव मा झांकिन नाय अउतिन जौ कहा तौ सुनके अउर कहिके चला जाथिन। ठाकुर हुअय ज्यादा बोले पै अकड़ जाथे। कहा थे न होये काम जवन करै का होये कै लिहा। डर के मारे केहू कुछ कहबै नाय करत कवनौ तरह से गुजारा करा जात बाय। प्रधान करूणेश सिंह बताइन कि नयी पेंशन खातिर फार्म भरा गै बाय। पहले पुरान पेंशन वाले का मिले फिर नया पेंशन जवन बनत बाय उनका मिले।
ए.डी.ओ. अशोक वर्मा बताइन प्रधान, रोजगार सेवक के माध्यम से सर्वे हुअत बाय। सर्वे के बाद जे पात्र होये वकै पेंशन अउर सूची मा नाव बढ़े।