पिछले साल कै बकाया बाय मजदूरी

जिला फैजाबाद, ब्लाक मया, ग्रामसभा जमुनीपुर अउर गजनपुर सजाहरा। हिंआ कै कुछ मनई 2014 मा बन्धा पै माटी पटाई कै काम करे रहिन। अबहीं तक मजदूरी नाय मिली।
शान्ती देवी, उर्मिला, संवारी अउर सरोज बताइन कि हमरे सब अपने ग्रामसभा के रोजगार सेवक से कहीथी तौ सुनतिन नाय। पिछले साल नवम्बर मा राममहर से तेजापुर तक एक महीना से ज्यादा काम करे हई लकिन पैसा आज तक नाय मिला। जब काम करै का रहा तौ कहिन काम करा पन्द्रह दिन मा मजदूरी खाता मा आय जाये। अउर अब जिला अउर ब्लाक तक दउरावाथिन। हर बार सिर्फ आश्वासन मिला।
ठेकेदार जनार्दन यादव बताइन कि चुनाव के बाद हम सबका जिला पै लइके जाब। अउर मजदूरी के ताई घेराव कराउब।