आबादी मा खुला पानी
जिला फैजाबाद, ब्लाक तारुन, ग्रामसभा पारागरीबशाह, तिवारी का पुरवा। हिंआ 16 सितम्बर 2013 का उदयप्रकाश तिवारी मारपीट के उमाशंकर का घायल कै देहे रहिन मुजरिम के खिलाफ मुकदमा दर्ज बाय।
उमाशंकर कै मेहरारू मीना जायसवाल बताइन कि उनके सिर मा नौ टांका लाग बाय। घर मा अकेलै रहे। तीन जने प्रदीप, उदयप्रकाश, तिवारी मारिन। पहिले सिर मा मारिन अउर कान पै मारिन जब तक सब दौरिन तब तक मारिके घर मा हलि गये। जब दिवार घेरा जात रहा तबै से इनके सब झगरा करत रहे। हम अपने जमीन मा पानी खोले हई तौ कहा थे इधर न खोला जबकि हमार जमीन आय मनीराम वही मा गोबर फेंका थिन मना करे पै माराथिन।
विपक्ष कै मनीराम बताइन कि हमरे जमीन की तरफ मोहार फोड़के कब्जा करै चाहाथे। उधर हमार जमीन बाय। वहमा नीम कै पेड़ लाग बाय। देव स्थान बाय वहीं पूजा करा जाथै तौ वै कब्जा करै चाहाथिन। उदय प्रकाश तिवारी के हाथ अउर चेहरा पै चोट लाग बाय। तारुन थाना कै एस.आई. प्रेमचन्द्र शुक्ला बताइन कि अपराध संख्या 175/2013 धारा 452, 325, 505, 506 के तहत मुकदमा दर्ज बाय। अबहीं मुजरिम पकड़ा नाय गै बाय। काहे से गांव कै कुछ मनई सुलह करै चाहाथिन
