जिला चित्रकूट, ब्लाक मानिकपुर, मुहल्ला जवाहर नगर। हिंया के शिवशरण के दुआरे के सउहें हैण्डपम्प पांच बरस से लाग हवै। यहै से पानी भरा रहत हवै। अगर पानी निकारै खातिर नाली के व्यवस्था होइ जाये तौ नींक होइ। यहिके खातिर कइयौ दरकी टाउन एरिया मा कहा गा, पै ध्यान नहीं दीन गा।
मानिकपुर टाउन एरिया के बाबू रोधश्याम का कहब हवै कि बजट पास होइगा हवै। पानी निकरै खातिर नाली बनवा दीन जई।
मुहल्ला के शिवशरण बताइस कि रातो दिन मड़ई भटर भटर करत हवै। पानी भरत हवै। तौ दुआरे के सउहें भरा रहत हवै। या कारन गन्दगी होत हवै गन्दा पानी भरा होय के कारन मच्छर भी लागत हवैं। कत्तौ कत्तौ बदबू आवै लागत हवै। पानी निकारै खातिर नाली बनै का चाही। तबै इं सबै समस्या खतम होइ सकत हवैं।