पांच साल से रखी टंकी नाय आवत पानी

जिला फैजाबाद, ब्लाक तारुन, कस्बा हैदरगंज, कन्या पूर्वमाध्यमिक विद्यालय हैदरगंज द्वितीय। यहि स्कूल मा शौचालय के ऊपर टंकी दिखावटी रखी बाय। पानी नाय आवत। लगभग पांच  से लडि़कै बाहर जाथे।
आंगन बाड़ी कार्यकत्री विजयलक्ष्मी, पूनम बताइन कि करीब पांच साल से टंकी रखी बाय। ई सिर्फ दिखावटी बाय यमहा पानी नाय आवत। सब लडि़कै बाहर जाथे। शौचालय बना बाय लकिन न कउनौ साफ-सफाई न कउनौ सुविधा बाय। यहि शौचालय का लडि़कै प्रयोग नाय करतिन। स्कूल कै बच्चै सपना, किरन, पूनम बताइन कि हमरे सब स्कूल मा नाय जाइत पानी नाय आवत यहि से हमरे सब बहिरे जाई थी। बहिरे जाय मा हमरे सबके पढ़ाई मा भी देर हुआ थै। सीमारानी, अनीता गुप्ता शिक्षा मित्र बताइन कि कउनिव सुविधा नाय बाय। गंदगी भरी बाय। साफ-सफाई नाय न। सफाई कर्मी भी नाय बाटे। कभौं-कभौं पैसा दइके साफ करावा जाथै।
प्रधान सुरेन्द्र कुमार मोदनवाल बताइन कि पहिले नल कै सप्लाई रही अब समरसेबुल पाइप लागे। टंकी ठीक बाय शौचालय टूट गै बाय। पैसा पास होइगा बाय। अब दुई तीन दिन मा काम शुरु होय जाये।