पर्ची न आवै से किसान परेशान

खेत मा खड़ा गन्ना

जिला फैजाबाद, ब्लाक मया। मया ब्लाक कै किसान गन्ना कै पर्ची न आवै से परेषान अहैं यहि बात कइके 24 फरवरी का मसौधा मील कै करिहैं घेराव।
श्रीराम, राघवराम, सरोज, आर.एस. बताइन कि हमरे सबकै गन्ना छील के खेते मा सुखात बाय लकिन पर्ची नाय आवत बाय। अब पिछले महीना मा पर्ची आय जात तौ हमरे सब गेहूं नब्बे दिन वाला बोय लीत। गन्ना के कारण न तौ गेहंू बोवै मिला न गन्ना कटा। सरकार ना जानी काव करैइया बाय किसान कै नरक होय गै बाय।
त्यागी, रमेष, लीलावती बताइन कि अगर समय-समय पै पर्ची मिल जात तौ हमरे सबका आपन गन्ना का क्रेसर पै एक सौ अस्सी रुपया कुन्तल के हिसाब से न बेचै का परत। मील पै ढाई तीन सौ कुन्तल के हिसाब से बिकात बाय। किसान कै हर तरह से षोसण हुवत बाय।
अभयराज ब्रहमचारी, मण्डल प्रवक्ता बब्बन बाबा बताइन कि अगर पच्चीस फरवरी तक किसान कै गन्ना पर्ची न आय तौ मील कै घेराव कीन जाये।