परेशान आदमी

तहसील में बेठे आदमी

जिला महोबा, ब्लाक कबरई, गांव किड़ारी। एते सन् 2007 में डाक्टर अम्बेडकर स्वंय सहायता समूह के तहत योजना में सवा लाख रूपइया मिलो हतो। दस आदमियन ने बारह-बारह हजार रूपइया बांट के भैंस पालन को काम करो हे, पे अब स्टेट बैंक 17 सितम्बर 2013 खा नोटिस भेज के कानूनी कारवाही करे खा कहो हे। जीसे गांव के आदमी परेशान हे।
समूह के अध्यक्ष भगवानदास ओर कोषाध्यक्ष दशरथ ने बताओ कि डाक्टर अम्बेडकर स्वंय सहायक समूह में सवा लाख रूपइया मिलो हतो। जीमे आधी छूट मिली हती। नत्थू, रामकृपाल मुन्नालाल, रामगोपाल, रामसजीवन ओर कलिया ने बताओ कि छह हजार रूपइया जमा करे खा हतो। हम गरीब आदमी सूखा परे के कारन पूरी किस्त नई चुका पाई, स्टेट बैंक वालेन ने एक आदमी खा 80 हजार रूपइया की नोटिस भेजी हे। कहत हते कि तीन दिन में रूपइया जमा न करहो तो जेल भेज दओ जेहे।
स्टेट बैंक के ऋण विभाग के क्षेत्राधिकारी मनोज कुमार ने बताओ कि तीन साल मे हर आदमी खा छह हजार रूपइया जमा करें को नियम हतो। जमा नई करो तो समूह में ब्याज सहित दो लाख पचास हजार रूपइया जमा करने हे। अगर 30 सितम्बर 2013 तक रूपइया जमा न हो हे तो कानूनी कारवाही करी जेहें।