सादीमदनपुर के पम्प कैनाल
जिला बांदा ब्लाक तिन्दवारी कस्बा चिल्ला। हेंया सादीमदनपुर गांव के पम्प कैनाल से तीन नहर लाग हैं। इं नहरन से हजारन बिगहा खेती के सिंचाई होत है। अब वा पम्प कैनाल का सइफन न बनैं से किसानन के सैकड़न बिगहा खेती पलेवा खातिर परी है।
चिल्ला के किसान मेवालाल, राममनोहर, अउर बृजलाल बतावत है कि अगर समय से सइफन न लगावा जई तौ गेहूं के फसल पिछड़ जई। काहे से या समय गेहूं बोवाई का समय चलत है। अगर इनतान के समस्या रही तौ किसान भुखमरी के कगार मा आ जइहैं। किसान चन्द्रिका अउर ब्रजलाल कहत हैं कि हम सइफन बनवावैं के मांग कइयौ दरकी जेई से कीन है,पै नहर विभाग कउनौ ध्यान नहीं देत आय।
पम्प कैनाल के आपरेटर राजा का कहब है कि गांव के किसान मुंह जुबानी कहत है। अगर लिखित दरखास दे तौ अधिकारिन का ध्यान रहै।