पत्नी का जिन्दा जलावै कै आरोप

जिला अम्बेडकरनर, ब्लाक कटेहरी, ग्रामसभा खेवांर, गांव दानी मिश्र का पुरवा। यहिंके मनई अउर लड़की के पिता कै आरोप बाय कि 16 अप्रैल 2015 का सैंतिस साल के मेहरारु ममता का उनकै पति हत्या कइके आत्महत्या देखावै के ताई मिट्टी कै तेल डारिके जलाय दिहिन। अउर पुलिस से बचै के ताई घर से भाग गइन। सूचना पै पहंुचिन अहिरौली थाना कै एस.ओ. षव कै पोस्ट मार्टम के ताई भेजिन। ममता के पिता के तहरीर पै पति के खिलाफ केस दर्ज भै बाय।
गांव वाले बताइन कि जिला सुल्तानपुर गांव कोटिया थाना कादीपुर कै रहै वाले जगदीष पाण्डेय कै बिटिया ममता कै षादी दानी मिश्र का पुरवा गांव मा पहिले के दरोगा पद पै रहै वाले राममूरत मिश्र के बेटवा भानू प्रकाष के साथे भै रहा। पति पत्नी मा काफी दिन से बिवाद चलत रहा। वहि दिन भानू अपने पत्नी ममता का खूब मारिन अउर हत्या कै दिहिन। आत्म हत्या देखावै के ताई मिट्टी कै तेल डारि के जलाय दिहिन। वकरे बाद घर से भाग गइन। ससुर राममूरत मिश्र लखनऊ मा रहाथे बिमार हुवय के कारण सब उनका देखै चला गै रहिन केहू रहा नाय। गांव कै एक मेहरारु उनके घर गै तौ देखिस ममता कै षव अउर घरमा केहू नाय रहा। तब सबका बताइस। अहिरौली थाना मा फोन कइगा। ममता कै पिता जगदीष प्रसाद पाण्डेय बताइन कि दुइनौ जने मा बइठत नाय रहा। उनका सुधारै के ताई ममता बोलत रहीं। हमका फोन से पता चला तौ हम आयन। अंगना मा ममता कै षव पड़ा रहा पति भाग गै रहिन।
अहिरौली थाना कै एस.ओ. राजेष यादव बताइन कि ममता के पिता जगदीष प्रसाद के तहरीर पै पति भानू प्रकाष मिश्रा बेटवा राममूरत मिश्रा के खिलाफ केस दर्ज भै बाय। मुकदमा अपराध संख्या 56/15धारा 498अ, 302 आई पी.सी. लाग बाय। भानू प्रकाष मिश्रा कै तलास कै जात बाय। जल्दी गिरफतारी होये।