पति अउर सास गिरफ्तार

जिला फैजाबाद, ब्लाक तारुन, रामपुरभगन। 16 सितम्बर का हिंआ के एक मेहरारू कै झुलसै से मउत होइगै रही। दहेज हत्या के आरोप मा पुलिस पति अउर सास का गिरफ्तार कइके जेल भेज दिहिन।
धमेन्द्र कुमार सैनी कै मेहरारू पूनम 16 सितम्बर का शाम के मिट्टी कै तेल डारत समय गम्भीर रूप से झुलस गै रहिन। इलाज के समय उनकै मउत होइगै। पूनम कै भाई रामआशीष अउर अशोक कुमार आरोप लगाइन कि उनकै पति अउर सास आये दिन दहेज के ताई मारत-पीटत रहिन। जब दहेज नाय मिला तौ जलाय के मारि डारिन।
तारुन थानाध्यक्ष कृष्ण कुमार गुप्ता बताइन कि मृतका पूनम के भाई के तहरीर पै पति धर्मेन्द्र व सास मालती के ऊपर दहेज कै रिपोर्ट दर्ज कइके जेल भेज दिया गै।