नियाव के मांग खातिर परिवार सहित अनशन मा

जिला बांदा, ब्लाक तिन्दवारी, गांव पिपरहरी। रिटायर फौजी के हत्या मा नियाव न मिलैं के कारन 11 मार्च से वहिका पूरा परिवार बांदा के अशोक लाट तिराहा मा अनशन करैं का मजबूर होइगा। अब अगर नियाव न मिली तौ उंई 18 मार्च का रैली निकार के विभाग मा प्रदर्शन करिहैं।
अनशन मा बइठ फौजी के औरत माया का कहब है कि 20 फरवरी का भे वहिके मनसवा छेदी सिंह के हत्या मा गांव के राधे आरख का हाथ है। वहिके साथै मोर मनसवा घर से लड़की के शादी का सामान खरीदैं एक लाख दस हजार रूपिया लइके गा रहै। राधे मोरे मनसवा का दारू गोश्त खवा पिया के रूपिया छीन लिहिस है अउर हत्या कइ दिहिस है। यहिके बाद अपने बचाव खातिर लाश का सड़क किनारे फेंक दिहिस है। हम वहिके खिलाफ नामजद रपट लिखाये है, पै कारवाही नहीं भे आय। यहिसे हम अनशन मा बइठ हन। जबै तक नियाव न मिली तौ अनशन मा परे रहब।
अपर एस.पी.आशुतोश शुक्ला का कहब है कि उंई जेहिके उपर आरोप लगावत हैं। वा हत्या नहीं करिस आय। खा पी के गा है, तौ रात के अंधेरे मा एक्सीडेण्ट होइगा है।