गन्दगी रे गन्दगी
जिला बांदा, ब्लाक तिन्दवारी, कस्बा चिल्ला, मोहल्ला कटरा। हेंया एक साल से नालिन के सफाई नहीं भे आय। यहिसे नालिन मा किरवा बजबजात हैं। नाली के सफाई करावंै खातिर प्रधान से कहै मा कउनौ फायदा निहाय।
कस्बा के बृजेश शुक्ला, छंगा अउर बिन्दू कहत हैं कि हमरे मोहल्ला मा एक साल से नालिन के सफाई नहीं भे आय। यहिसे नाली का पानी सी. सी. सड़क के ऊपर से बहत है। यहिनतान राजू बतावत है कि हमरे मोहल्ला में सफाई कर्मी कतौ सफाई करैं नहीं आवत आय। यहै मारै नाली कूड़ा मा पूर जात है। पानी न निकर पावैं के कारन नाली बहुतै गंदी होई जात है। नाली इनतान गंधात हैं कि दुवारे मा बइठब मुश्किल है, पै घर के भीतर रोटी तक नहीं खा जात आय। यहै मारे हम चाहत हन कि नालिन के सफाई करा दीन जाय तौ बहुतै नींक रहै।
प्रधान इन्दी के मनसवा बिन्दा का कहब है कि छह हजार के आबादी मा एक सफाई कर्मी सफाई नहीं कर पावत आय। अब दुई सफाई कर्मी होइगे हैं तो सफाई कर पावत आय। अब दुई सफाई कर्मी होइगे है तो सफाई करा दीन जई। सफाई कर्मी अनिल का कहब है कि मैं छह हजार के आवादी मा अकेले सफाई नहीं कर पावत रहेंव। अब नीतू सफाई कर्मी भी आ गा है, तौ सफाई होई जई।