नाली बिना गंदगी से भरा निजामी नगर
जिला बांदा, ब्लाक नरैनी, गांव दुबरिया का मजरा निजामी नगर अउर बड़ोखर खुर्द ब्लाक का कस्बा भूरागढ़। इं कस्बन के मड़ई नाली अउर खड़ण्जा बनवावैं के खातिर पन्द्रह साल से प्रधान से मांग करत हैं।
भूरागढ़ के सुनील गुप्ता, संत कुमार का कहब है कि वार्ड नम्बर 9 मा 25 मीटर खड़ण्जा अउर नाली नहीं बनी आय। यहिसे पूरे मोहल्ला मा दल-दल मचा रहत है। पूरे गांव के मड़ई गंदा पानी से हिल के निकरत हंै। अगर प्रधान नाली खड़ण्जा बनावा दे, तौ मड़इन का निकरैं आराम होई जाय। प्रधान राम किसुन का कहब है कि मोरे ग्राम पंचायत मा यतना रूपिया निहाय कि मैं नाली खड़ण्जा का काम करवा सकौं।
निजामी नगर मा नाली खड़ण्जा न होय से दसन साल से पचास घर के मड़ई परेशान हंै। हेंया का रज्जन अली अउर असमां बतावत हैं कि आधी दूरी तक खड़ण्जा परा है, पै नाली नहीं बनी आय। धाम होतै मच्छरन के फौज धावा बोल देत है। यहिसे दुआरन मा बइठब मुश्किल परत है।
प्रधान केशकली का मनसवा भरत लाल कहिस कि पांच साल पहिले नाली खड़ण्जा का काम करवाये हौं। गांव के मड़ई टैªक्टर निकाल के नाली बेगार डालिन हैं तौ यतना जल्दी बजट सरकार नहीं पास करत आय।